الرئيسية
البوابة
أحدث الصور
التسجيل
دخول
من طرف الله يهدي من غرامة علـى شـات
والا على بسْتـن وشاشـة محطّـه
والله يهـدي مـن يـدوّر علاقـات
ورى نفوسن فـي ضمايـر مُنحطّـه
بنتن تميّلح فـي صورهـا اثـارات
صورة غزال وصورة الوجـه بطّـه
تعشق غدار في كلامـه مـروات
السوبر أخضر والزخاريـف خَطّـه
كنّه شجاعن في كثيـر العبـارات
والا الحقيقة شـاري الثـوب قطّـه
لا لا تغرك بين الاقـواس (نكّـات)
هذي على قـول الحقيريـن خطّـه
عزّي وشاني شامخـن بالمنيفـات
ماهو حكيّ، والا كلامن.. تخطّـه..
يا بنت ياللـي تعشقيـن الطويـلات
بعض الحكي عيبـن علينـا نقطّـه
لا تسأليني عـن مكـان الشريفـات
أخاف من كثر الحكـي والمشطّـه..
إليا سألتي عـن طبـوع العفيفـات
بنتـن تهجّـد ليلهـا مـا تغـطّـه
وإليا نصحتك خوذي العلم باسكـات
واخذي كلامي وآخـر اللـي أخطّـه
من قال أحبك، او اعزك.. على شات
وربي مقامك تحـت رجلـه يحطّـه
هذا جوابـي وبصريـح العبـارات
ياكم عذرى راحـت أسبـاب نطّـه
